ÇFARË GJURME DO TË LËMË?

Në emër të NDI-së në Maqedoni dëshiroj të ju shpreh falënderim të madh të gjithëve të cilët kontribuan në këtë fushatë qytetare të rëndësishme për të mbështetur Kodin e Sjelljes për Zgjedhje të Lira dhe të Drejta. Fushata “Çfarë gjurme do të lëmë” jo vetëm që ishte shumë e dukshme gjatë gjithë periudhës parazgjedhore por pëlqimi i madh qytetar dhe pranueshmëria e dukshme nga të gjitha partitë politike kontribuoi në një klimë ku parregullsitë zgjedhore ose shkeljet nuk ishin më të pranueshme.

Fushata filloi me Ceremonialin e nënshkrimit me 12 maj në Shkup. Dhe mandej, pasi që tërhoqi vëmendjen e mediave dhe të publikut, vazhdoi deri në ditën e zgjedhjeve me 5 qershor, përmes një fushate mbarë shtetërore për vetëdijesim publik duke përfshirë mediat tradicionale dhe ato të reja dhe e mbështetur nga shumë aktivitete lokale në të gjitha gjashtë njësitë zgjedhore.

Statistikat në fushatë janë mbresëlënëse. Tridhjetë e nëntë kryetarë nënshkruan Kodin e Sjelljes. Mbi 3200 qytetarë nënshkruan në internet dhe fizikisht kodin, ndërsa të tjerët përdorën faqen zyrtare të fushatës, Facebook, Tëitter dhe Flickr për të shpërndarë mesazhin. Mediat kombëtare dhe lokale luajtën rolin e tyre duke e mbuluar fushatën në mënyrë ekstensive. Në vazhdim rrjetet lokale dhe kombëtare emituan afro 4.900 TV reklama (shtrirje efektive e TV: 92.08% të popullatës me moshë 18+ kanë parë mesazhin tonë së paku një herë dhe 88.14% tre ose më shumë herë), dhe mbi 2.400 radio klipe janë transmetuar. Dy “karvanë” bënë turne nëpër vend çdo fundjavë dhe gjatë javës së fundit të fushatës, duke kontaktuar me mbi 40.000 qytetarë. Krahas 4.500 pllakateve të vendosura në mure për informim si dhe në zyrat e partive politike dhe shtabeve, u distribuan edhe 90,000 fletushka, u përdorën 20,000 ngjitëse dhe u mbajtën 6.000 bexhë, gjë që dëshmon për një përpjekje të madhe e cila arriti dhe u përkrah nga shumë njerëz.

Duke rrezikuar që të harrojmë dikë dhe kërkoj ndjesë për këtë, dëshiroj t’ju shpreh një falënderim të posaçëm ndaj:

• Institutit Nacional Demokratik (NDI) dhe stafit, si këtu ashtu edhe në Ëashington, për punën e tyre të palodhshme dhe rezultatet mbresëlënëse me mbi 280 takime me përfaqësues të partive politike, udhëheqës të komunitetit, dhe organizata të shoqërisë civile; dymbëdhjetë ngjarje publike me komunitetet duke përfshirë liderët vendor partiak dhe ambasadorë; pjesëmarrje në rreth 100 tubime partiake ku janë bërë shpërndarje të fletushkave, etj;
• Instituti për Demokraci Parlamentare (IPD), stafit dhe ekipit të asistentëve të zyrave të deputetëve për komunikim me qytetarët për të mbështetur fushatën në teren dhe për të promovuar 66 evinemente të karvanit në gjithë vendin;
• Metamorphosis për menaxhimin e internet faqes së fushatës qëndrore www.zgjedhjetedrejta.mk, dhe për inkurajimin e përdorimit të teknologjisë së rrjeteve shoqërore në Maqedoni, duke përfshirë komunitetin në internet për të promovuar trendet bashkëkohore demokratike. Përdorimi kreativ i mediave shoqërore në këtë fushatë është një dëshmi e përkrahjes së sofistikuar në bazë;
• MOST dhe 3.700 vëzhguesit e tyre zgjedhor të cilët siguruan që fushata të jetë e dukshme dhe të promovohet në të gjitha ngjarjet e tyre, gjatë konferencave për shtyp dhe në zyrat e tyre dhe në ditën e zgjedhjeve me të gjithë vëzhguesit duke e mbajtur logon e fushatës;
• Lobit të grave të Maqedonisë për organizimin e njëmbëdhjetë debateve në komunat e ndryshme duke përfshirë gratë kandidate nga të gjitha partitë politike dhe kështu duke siguruar se gratë nuk janë vetëm të dukshme por edhe se dëgjohen;
• Partive politike për përkrahjen e ceremonisë së nënshkrimit, inkorporimit të logos së fushatës në materialet e tyre të fushatës duke përfshirë internet faqet e tyre dhe kandidatët të cilët mbajtën bexhat;
• Mediave për mbajtjen e fushatës në nivel të lartë duke mundësuar mbulesë shumë më tepër se ajo që është paguar, duke e përfshirë dukshmërinë e madhe dhe aktivitetin e lartë mbështetës së gazetarëve duke e mbajtur bexhin;
• McCann Erickson, agjencioni ynë i reklamimit dhe për marrëdhënie me publikun, për punën e tyre të palodhshme dhe mundësisë për të reaguar dhe adaptuar pa mangësi dhe me shpejtësi ndaj kërkesave të fushatës ku reagimi ndaj “ndryshimeve” ishte pjesë integrale;
• Bashkësisë ndërkombëtare për promovimin e fushatës mbështetjen e fushatës në çdo mundësi;
• Misionit të USAID në Maqedoni për mbështetjen e tyre finansiare, pa të cilën Kodi i Sjelljes për Zgjedhje të Lira dhe të Drejta nuk do të kishte qenë i mundshëm, për kontributin e gjërë, dhe besimin në rëndësinë e fushatës, dhe për sigurimin e mjeteve finansiare për mediat dhe nismat në terren, duke përfshirë karvanët promovues të cilat bënë turne në vend;
• Ambasadës së Mbretërisë së Holandës në Republikën e Maqedonisë për përkrahjen finansiare të programit të Metamorphosis për promovim on-line/në media të reja të fushatës;
• Ministrisë për Punë të jashtme të Repubikës së Çekisë për kontributin finansiar për Lobin e Grave të Maqedonisë në debatet e mbajtura në ndërtesat e komunave.

Chris Henshaw
Drejtor i lartë
NDI Maqedoni

Këtu mund t’i ndiqni konferencat për shtyp të asociacionit qytetar MOST. Ato janë caktuar për në ora 11:00, 14:00 dhe 19:00. Ndiqni drejtpërdrejt:

Streaming .TV shows by Ustream

Që të mos u tregojmë vetë se si ishte, ju prezantojmë fotografi nga ngjarja që zgjati gjatë gjithë ditës për fund të fushatës Zgjedhje të drejta 2011, që u mbajt në Parkun e qytetit më 04.06.2011.

Video-klip edukativ nga sh.q. MOST për procesin e votimit.

MOST: Një votues një votë

Karvani Lindje muajin qershor, e filloi me vizitë të sërishme të komunave Strumicë dhe Gjevgjeli. Qytetarëve e këtyre dy komunave kishin mundësi edhe një herë ta dëgjojnë porosinë për zgjedhje të drejta dhe demokratike dhe ta japin përkrahjen e tyre duke i lënë gjurmët e tyre. Në qoftë se nuk arritët të na vizitoni, jepeni përkrahjen tuaj onlajn. Gjithashtu, ju ftojmë të merrni pjesë në ngjarjen që do të mbahet gjatë gjithë ditës në Parkun e qytetit në Shkup, duke filluar në orën 11. Konfirmojeni praninë tuaj në ngjarjen në Facebook.

Karvani Lindje – Gjevgjeli

Karvani Lindje për here të dytë e vizitoi Gjevgjelinë. Kësaj radhe në qendër të qytetit, në shesh, në afërsi të kafiterive ku kishte shumë të rinj. Ngjarja filloi në orën 13:20.

Përcillej porosia për zgjedhje të drejta dhe demokratike, ndërsa qytetarët përkrahjen e tyre e dhanë në të gjitha modalitetet.

Karvani Lindje – Strumicë

Ngjarja në Strumicë përbëhej nga shpërndarja e fletëpalosjeve dhe marrja e deklaratave për përkrahje nëpër lokacione të ndyrshme në qendër të qytetit dhe në parkun e qytetit. Në këtë mënyrë, nëpërmjet kontaktit të drejpërtdrejtë me qytetarët, ekipi e përcillte porosinë dhe zotimet e fushatës për zgjedhe të drejta dhe demokratike.

Nga aktivitetet e karvanit “Lëre gjurmën tënde” më 1 qershor, Karvani Lindje arriti të fitojë 86 përkrahës. Lëreni edhe ju gjurmën tuaj për zgjedhje të lira duke e nënshkruar aplikacionin tonë.

Ditën e dytë të muajit qershor, Karvani Perëndim e kaloi në vizitë të komunave Manastir dhe Prilep. Për here të dytë, Karvani, qytetarëve ua përcillte porosinë për zgjedhje të drejta dhe demokratike dhe ftonte që edhe ata ta japin përkrahjen e tyre duke i lënë gjurmët e tyre. Detajet i japim në vazhdim. Në qoftë se nuk arritët të na vizitoni, jepeni përkrahjen tuaj onlajn. Gjithashtu, ju ftojmë të merrni pjesë në ngjarjen që do të mbahet gjatë gjithë ditës në Parkun e qytetit në Shkup, duke filluar në orën 11. Konfirmojeni praninë tuaj në ngjarjen në Facebook. [...]

Për fund të karvanit “Çfarë gjurme do të lëmë?” ju ftojmë në ngjarjen që do të mbahet gjatë gjithë ditës në Parkun e qytetit në Shkup, duke filluar në orën 11, ku do të paraqitet Tumbao salsa bend. Bendi do të paraqitet prej orës 11 deri në orën 14, te Fontana në Parkun e qytetit.

Më tepër informata për Tumbao salsa bend mund të merrni në faqen e tyre në Facebook.

Konfirmoni pjesëmarrjen tuaj te ngjarja në Facebook, e krijuar për këtë qëllim, dhe ftoni të gjithë miqtë tuaj. Shihemi nesër prej orës 11 deri në orën 20, e deri atëherë zbavituni me një këngë nga Tumbao Salsa Bend:

Qytetarët e komunave të cilat i vizitoi Karvani Lindje më 30 dhe 31 maj 2011, gjithashtu janë në frymën e zgjedhjeve të drejta dhe këtë e vërtetuan duke i lënë gjurmët e tyre me shkrim.

Në vazhdim po japim disa deklarata të qytetarëve, të dhëna në formë të shkruar dhe të publikuara me pëlqimin e tyre eksplicit:

Nikolinka Nolevska nga Butelli:

Zgjedhje të drejta për ardhmëri me prosperitet dhe garancë për liri

Nikolla Sllavkosvski nga Gazi Baba:

Vetëm në atë mënyrë tregohet demokracia

Мilica Stojanova nga Gazi Baba:

Që vendi të mësojë se ç’është demokracia

Daniella Stojimirova nga Kratova:

Nuk duhet të kemi votim grupor, çdo votues një votë. Maqedonia është vend demokratik.

Аneta Мijallkova nga Kratova:

Të jemi njerëz dhe të votojmë me dinjitet

Оliver Stamenkovski nga Кriva Pallanka:

Zgjedhje me dinjitet dhe pa dhunë

Sotir Josimovski nga Kriva Pallanka:

Për shkak se duhet të jenë të drejta dhe demokratike

Në qoftë se dëshironi që edhe ju ta lini gjurmën tuaj, bëjeni këtë gjatë vizitës së karvanit në qytetin tuaj, por edhe nëpërmjet faqes Zgjedhje të drejta 2011 në Facebook dhe nëpërmjet hashtag-ut #teliratedrejta në Twitter.